Fjallahjólið er brotið

Á dögunum ákvað ég að taka fjallahjólið í sundur, til að hreinsa og hugsanlega betrumbæta. Endaði með því að ég fann þessar rifur í stellinu.

Gírahlutfall

Ákvað að henda inn í Excel gírahlutfallinu á hjólinu mínu, til þess eins að sjá hvernig gírarnir skarast í hlutfalli. Þetta er ágætis tól til þess að átta sig á því að með aukningu á gírum þá er líklegra að sama gírhlutfall skapast á milli stóru gíranna (tann hjól að framan - chainwheel). Sumir eru á móti því að auka gírafjöldan líkt og hefur gerst síðustu ár. Við höfum farið frá 18 gíra fjallahjólum og upp í 30 gíra. 18 gírar í sjálfu sér er nóg og þú ert með ágætt svið af gírum. Vandamálið með 18 gíra uppsetningu á fjallahjólum, þar sem nauðsynlegt er að skipta oft vegna breyttra aðstæðna, er að þá þarf oft að skipta á keðjuhjólinu (stóru tannhjólunum). Það getur verið þrautinni erfiðari þegar komið er í brekkur. Þá er betra að vera búinn að staðsetja sig á keðjuhjólinu og nota afturgírana til þess að stilla sig af. Jafnframt þá er auðveldara að gera sig tilbúinn án þess að hoppa allt of lang niður eða upp. Tl að mynda þegar komið er niður brekku á góðum hraða í gír 44-16, þá er hægt að gera sig tilbúinn og fara niður í 32-12 og þá er maður tilbúnari ef brautin er erfiðari en maður hafði vænst.

9 gíra krans (11-32) og 3 gíra keðjuhjól (22-32-44)

 

Bretti á hjól án auga

Planet Bike Fender SpeedEZ ATB

Ég er mikið búinn að leita að brettum sem hægt er að setja á hjólið mitt. Þetta er vandamál þar sem það er dempari á hjólinu og ég vil geta notað alvöru bretti með Mudflap og það er engin augu fyrir brettafestingar né bögglabera á stellinu. Rakst á þetta í gær og er sem stendur að leita hvar ég get keypt þetta. Þessi bretti eru sömu gerðar og racerhjólendur nota mikið. Gúmilufsa sem fer utan um stellið heldur brettunum á sínum stað.

Hjólaljós - óskhyggja

Núna er ég mikið að spá í ljósunum á hjólinu mínu. Er tiltölulega sáttur með rauða blikkljósið aftan á hjólinu. Mér finnst vanta upp á styrkinn á framljósunum. Ég hef mikið spáð í þetta. Nokkrir á Íslandi hafa verið að kaupa mjög sterk ljós (eiginlega allt of sterk) sem gefa um 900 lumens. Þetta getur verið blindandi fyrir þá sem eru að koma á móti þeim. Sem stendur er ég með LED blikk ljós með 5 leddum og dugar það ágætlega til þess að láta vita af manni. En ég vil meira. 

Ég var að spá í að festa 2 ljós sitthvorum meginn við framhjólið og það neðarlega á gafflinum ekki á stýrinu. Kostirnir við þetta eru eftirfarandi;

• Minna dót á stýrinu
• Lýsir betur ójöfnur á veginum en ljós sem eru hærra uppi
• Lýsir síður í augun á mótgangandi eða hjólandi
• Hægt er að stilla þau þannig að þau lýsi lengra fram á veginn
• Ljósin eru síður sjáanleg þegar komið er að hjólinu í geymslu
•  Ljósin eru föst á stellinu (annað en flest ljós sem hægt er að kippa af)

Hvaða búnað hef haft augastað til þess að gera þetta? SGB er að selja hjólaljós frá Magicshine sem mér ágætlega á. Þá hefur Magicshine framleitt ljós sem geta skilað allt að 2000 lumens (Magicshine MJ-880) (já þetta er til). En ég er aðeins á jörðinni með ljósstyrkinn. Ég hef verið að horfa á 200 lumens ljós (Magicshine MJ-838). Þau eru til sölu hjá SGB fyrir tæp 16.000 krónur. Spurningin er bara hvernig ég festi ljósin, kaplana og rafhlöðuna á hjólið. Ég veit að Magicshine framleiðir Y-kapal, þannig að hægt væri að nota eina rafhlöðu hverju sinni og hlaða hina (þar sem rafhlaða kemur með hverju ljósi).

Innikaupalistinn er því eftirfarandi

• 2 x Magicshine MJ-838 200 lumens ljós (til sölu hjá SGB)
• 1 x Magicshine MJ-6018 Y-kapall
• 1 x Magicshine MJ-6016 framlengingarsnúra (til sölu hjá SGB)

Þar fyrir utan framleiðir Magicshine höfuðstrapp sem er hægt að nota með ljósunum þannig að hægt er búa til höfuðljós (Magicshine MJ-6026).

Respro Chevron Hump

Til sölu á Chain Reaction Cycles

Ég keypti mér Respro Hump Backpack Waterproof á bakpokann um daginn. Sniðug græja. Svo fann ég þetta á Youtube sem er önnur útgáfa, helvíti flott.