Fjallahjólið er brotið

Á dögunum ákvað ég að taka fjallahjólið í sundur, til að hreinsa og hugsanlega betrumbæta. Endaði með því að ég fann þessar rifur í stellinu.

Loksins ákvað ég að þrífa fjallahjólið

Stundum bíður maður alltof lengi með það að gera hlutina. Ákvað að losa um headsettið, þrífa og smyrja. Það endaði á því að ég ætlaði að láta yfirfara demparann. Það endaði svo með því að allt hjólið var tekið í sundur. Vonandi rata allar skrúfurnar á sinn stað og ég endi ekki með partakassa eftir samsetningu.

Gírahlutfall

Ákvað að henda inn í Excel gírahlutfallinu á hjólinu mínu, til þess eins að sjá hvernig gírarnir skarast í hlutfalli. Þetta er ágætis tól til þess að átta sig á því að með aukningu á gírum þá er líklegra að sama gírhlutfall skapast á milli stóru gíranna (tann hjól að framan - chainwheel). Sumir eru á móti því að auka gírafjöldan líkt og hefur gerst síðustu ár. Við höfum farið frá 18 gíra fjallahjólum og upp í 30 gíra. 18 gírar í sjálfu sér er nóg og þú ert með ágætt svið af gírum. Vandamálið með 18 gíra uppsetningu á fjallahjólum, þar sem nauðsynlegt er að skipta oft vegna breyttra aðstæðna, er að þá þarf oft að skipta á keðjuhjólinu (stóru tannhjólunum). Það getur verið þrautinni erfiðari þegar komið er í brekkur. Þá er betra að vera búinn að staðsetja sig á keðjuhjólinu og nota afturgírana til þess að stilla sig af. Jafnframt þá er auðveldara að gera sig tilbúinn án þess að hoppa allt of lang niður eða upp. Tl að mynda þegar komið er niður brekku á góðum hraða í gír 44-16, þá er hægt að gera sig tilbúinn og fara niður í 32-12 og þá er maður tilbúnari ef brautin er erfiðari en maður hafði vænst.

9 gíra krans (11-32) og 3 gíra keðjuhjól (22-32-44)

 

Réttur þrýstingur í slöngulausum dekkjum

Hvað á að vera í hjólapungnum?

Hjólapungurinn (hnakktasta eða þríhyrningstaska í stelli) ætti alltaf að hafa eftirfarandi hluti;

• Ný slanga af réttri stærð fyrir þín dekk.
• Dekkplöst (lágmark 2).
• Pumpa (mini eða CO2, punmpuna er oftast hægt að setja á stellið) ef hægt er að koma stórri fyrir þó er það betra, ParkTool framleiðir stellpumpur sem ættu að komast á öll stell. Munið að stilla pumpuna á ykkar ventla, til þess að flýta fyrir.
• Bætur, bæði til þess að bæta slönguna og til þess að bæta dekkið.
• Þrýstingsmælir sem passar á sem flesta ventla.

Fyrir lengri ferðir þyrfti að bæta eftirfarandi hlutum við;

• Nýja keðju (muna að stytta í rétta lengd)
• Flýtihlekki (oft kallað masterlinks) fyrir keðjur
• Keðjulykil
• Skrúfjárn (flatt og stjörnu)
• Sexkantasett.
• MiniTool (dekkjaplöst eru oft partur af þessum tólum).
• Afturskiptahengi (Derailleur Hanger eða Drop-Down).
• Bremsuklossa (líka ef þú ert með diskabremsur, ef drulla og sandur kemst í þær, þá er alveg ótrúlegt hvað þeir eyðast fljótt).
• Hníf.
• Klippur.
• Bensli (ótrúlegt hvað hægt er að nota það í).
• Einungrunartape (ótrúlegt hvað hægt er að nota það í).
• Pening.
• Nafnspjald (því ef eitthvað kemur upp á þá er hægt að finna út hver þú ert)
• Hafðu auka orkustöng eða gel í töskunni ef ske kynni að orkan hrynji.
• Orkudrykkstöflur, svo hægt er breyta vatni í orkudrykk.
• Skyndihjálparpakka

Þetta er ekki tæmandi listi.

Þessir hlutir ættu að komast í 2 litlar töskur. Það er að segja í hnakktösku og þríhyrningstösku á stellinu. Ég er ekki sjálfur með þetta allt, þegar ég hjóla. En efri listinn er alltaf í hnakktöskunni minni, sem er alltaf á hjólinu. Restin er tilbúin í þríhyrningstösku sem ég hendi á stellið þegar við á. Annars er hægt að hafa þetta í bakpoka eða mittistösku. Þetta allt saman var með í Bláalonsþrautina í ár.

Útskipting á bremsuklossum

Í gær skipti ég um bremsuklossa. Ég er með Avid Juicy 3.5 vökvabremsur. Klossarnir voru orðnir slitnir og bremsuhlutinn á einum af þeim fjórum klossinn var brotinn. Þar sem Juicy 3.5 er ekki með neinar stilliskrúfur til þess að færa klossana sundur og saman þá þarf vanalega að blæða bremsurnar upp á nýtt við þessa aðgerð. Það er hægt að kaupa Bleed Kit frá Avid sem inniheldur klossa sem settur eru í við þessa aðgerð. Þá er hjólið tekið af reiðhjólinu, klossarnir líka og klossi settur í staðinn (getur verið ansi stíft). Ég var að flýta mér í gærkvöldi þannig að ég ákvað að gera þetta með hjólið á, sem á að vera í lagi. Það er þó einn hængur á þessu.

Þegar blæðing er gerð með hjólið á, þarf að passa að bremsuvökvi komist ekki í snertingu við málaða fleti (vill leysa upp glanshúðina) og komist heldur ekki í bremsuklossana. Þetta síðara gerðist einmitt fyrir mig.

Þegar ég hjólaði af stað í morgun voru bemsurnar heldur of deygar. Þetta lagaðist þó eftir nokkurra reið. Hluti af þessu er sökum þess að það tekur smá stund að hjóla nýja klossa til. Ef þið lendið í þessu ekki vera hissa að það tekur tíma að hjóla klossana til og ná bremsuvökvanum úr þeim. Eitt er þó hægt að gera (sem ég gerði ekki) er að spreyja fituhreinsi (sjálfur á ég slíkt frá Würth) það virkar vel. Vanalega hef ég spreyjað fituhreinsi niður í bremsustillana þegar ég hef þrifið hjólið eða verið að smyrja það upp á nýtt.

Neyðar viðgerðastandur

Óstöðugur en gerir sitt gagn

Ég hef verið að laga hjólið núna á mjög löngum tíma. Þarf að fara í gegnum það síðar. Í kvöld ákvað ég að klára það sem ég átti eftir. Blæð bremsurnar og stilla gírana á móti nýjum tannhjólum. Ég átti ramma sem fer að lokum inn í eldhúsinnréttinguna. Ramminn var nægilegur til þess að lyfta afturhjólinu á hjólinu svo hægt væri að snúa pedulunum og stilla framskiptinn. Þetta er redding.